打波打波，多少假波假汝之名而行 !
等睇巴西世界盃開幕，李懂媽瞓又唔係，唔瞓又唔係，吹Q脹!
希望巴西生生性性,唔好好似98年決賽咁，大哨行行企企輸法國三粒，攪到曾志偉(輸到仆街)越洋直播都嗌出聲,"嘩...假到丫..! "，塊面仲黑過古天樂。
之不過，依家公平、公正、公開好多，因為全世界都有神獸昅實，乜野大頭龜、天竺鼠、草泥馬...幾乎十二生肖都出齊。
但係佢地呢的洋獸大部分只係識估邊隊嬴，睇番我地的熊貓，除左有得揀主隊客隊，仲可以揀和 ! 聽講仲有晉級、對賽組合...強國即係強國，點到你唔服。
話唔埋遲下再推出入球大細、波膽、首名入球...，但係的熊貓就慘咯，對住幾十盤竹葉，真係轉到頭都暈，想唔絕種都幾難。
最後，李懂媽沉痛要求大家響應曾德成局長呼籲，睇波唔賭波 !
PS.奇怪？ 點解佢唔教我地睇馬唔賭馬、睇戲唔買飛、睇骰盎唔買大細.......
Search